ਮੱਧਕਾਲੀ ਚੋਣਾਂ ਕੱਲ ਨੂੰ
ਟੋਰਾਂਟੋ ( ਬਲਜਿੰਦਰ ਸੇਖਾ) : ਅਮਰੀਕਾ ਦੀਆਂ ਮੱਧਕਾਲੀ ਚੋਣਾਂ ਤੋਂ ਪਹਿਲਾਂ ਡੈਮੋਕ੍ਰੇਟਿਕ ਪਾਰਟੀ ਨੂੰ ਵੱਡੀ ਬੜ੍ਹਤ, ਸੈਨੇਟ ’ਤੇ ਕਬਜ਼ੇ ਦੀ ਜੰਗ ਹੋਈ ਦਿਲਚਸਪ ਅਮਰੀਕਾ ਵਿੱਚ ਹੋਣ ਵਾਲੀਆਂ ਮੱਧਕਾਲੀ ਚੋਣਾਂ ਤੋਂ ਪਹਿਲਾਂ ਡੈਮੋਕ੍ਰੇਟਿਕ ਪਾਰਟੀ ਨੇ ਰਿਪਬਲਿਕਨ ਪਾਰਟੀ ’ਤੇ ਬੜ੍ਹਤ ਬਣਾ ਲਈ ਹੈ। ਦ ਨਿਊਯਾਰਕ ਟਾਈਮਜ਼ ਅਤੇ ਸਿਏਨਾ ਯੂਨੀਵਰਸਿਟੀ ਵੱਲੋਂ ਕਰਵਾਏ ਗਏ ਆਖਰੀ ਚੋਣ ਸਰਵੇਖਣਾਂ ਮੁਤਾਬਕ, ਸੈਨੇਟ ’ਤੇ ਕਿਸ ਪਾਰਟੀ ਦਾ ਕੰਟਰੋਲ ਹੋਵੇਗਾ, ਇਸ ਦਾ ਫੈਸਲਾ ਕਰਨ ਵਾਲੇ ਸੱਤ ਅਹਿਮ ਚੋਣੀ ਰਾਜਾਂ ਵਿੱਚੋਂ ਲਗਭਗ ਸਾਰੇ ਰਾਜਾਂ ਵਿੱਚ ਡੈਮੋਕ੍ਰੇਟਿਕ ਉਮੀਦਵਾਰ ਅੱਗੇ ਚੱਲ ਰਹੇ ਹਨ।
ਸਰਵੇਖਣ ਅਨੁਸਾਰ ਮਿਸ਼ੀਗਨ, ਟੈਕਸਸ, ਮੇਨ, ਕੰਸਾਸ, ਓਹਾਇਓ, ਅਲਾਸਕਾ ਅਤੇ ਆਇਓਵਾ ਵਿੱਚ ਡੈਮੋਕ੍ਰੇਟਿਕ ਉਮੀਦਵਾਰਾਂ ਨੂੰ ਬੜ੍ਹਤ ਹਾਸਲ ਹੈ। ਹਾਲਾਂਕਿ ਆਇਓਵਾ ਸਮੇਤ ਕਈ ਰਾਜਾਂ ਵਿੱਚ ਮੁਕਾਬਲਾ ਬੇਹੱਦ ਸਖ਼ਤ ਹੈ ਅਤੇ ਨਤੀਜੇ ਕਿਸੇ ਵੀ ਪਾਸੇ ਜਾ ਸਕਦੇ ਹਨ।
ਡੈਮੋਕ੍ਰੇਟਿਕ ਪਾਰਟੀ ਨੂੰ ਸੈਨੇਟ ਵਿੱਚ ਬਹੁਮਤ ਹਾਸਲ ਕਰਨ ਲਈ ਮੌਜੂਦਾ ਸਾਰੀਆਂ ਸੀਟਾਂ ਬਚਾਉਣ ਦੇ ਨਾਲ ਰਿਪਬਲਿਕਨਾਂ ਦੀਆਂ ਘੱਟੋ-ਘੱਟ ਚਾਰ ਸੀਟਾਂ ਜਿੱਤਣੀਆਂ ਪੈਣਗੀਆਂ। ਵੋਟਰਾਂ ਦੇ ਰੁਝਾਨ ਵਿੱਚ ਬਦਲਾਅ ਅਤੇ ਮਹਿੰਗਾਈ ਤੇ ਰਹਿਣ-ਸਹਿਣ ਦੇ ਵਧਦੇ ਖਰਚਿਆਂ ਨੂੰ ਲੈ ਕੇ ਨਾਰਾਜ਼ਗੀ ਰਿਪਬਲਿਕਨ ਪਾਰਟੀ ਲਈ ਵੱਡੀ ਚੁਣੌਤੀ ਬਣ ਰਹੀ ਹੈ। ਇਹ ਚੋਣਾਂ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਪ੍ਰਸ਼ਾਸਨ ਲਈ ਵੀ ਅਹਿਮ ਸਿਆਸੀ ਇਮਤਿਹਾਨ ਸਾਬਤ ਹੋ ਸਕਦੀਆਂ ਹਨ।
